ដោយឃើញថាតម្រូវការជាក់ស្ដែងខាងផ្នែកឧស្សាហកម្មកាត់ដេរមានការកើនឡើង ប៉ុន្ដែទន្ទឹមនិងនោះ កង្វះខាតជំនាញរបស់ក្រុមបច្ចេកទេស កម្មករនិយោជិក ឆ្លើយតបទៅនិងតម្រូវការការងារសព្វថ្ងៃនៅកម្ពុជានៅមានកម្រិត ទើបសមាគមន៍រោងច​ក្រកាត់ដេរកម្ពុជា (GMAC) ជាមួយក្រុមហ៊ុនដៃគូដើម្បីរួមគ្នាបង្កើតឡើងនូវវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា (CGTI) យើងផ្ដល់នូវការបណ្ដុះបណ្ដាលសមត្ថភាពប្រកបដោយបរិមាណនិងប្រសិទ្ធិភាព

ក្នុងការសហការជាមួយនិង TaFtc International Pte Ltd ដែលជាដៃគូអន្ដរជាតិជាមួយមជ្ឈមណ្ឌលបណ្ដុះបណ្ដាលផ្នែកវាយនភ័ណ្ឌ និងកាត់ដេរ (TaF .tc) ដែលបានបង្កើតឡើងនៅក្នុងឆ្នាំ ១៩៨៣,    វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា (CGTI) បានចាប់ផ្ដើមដំណើរការ និងផ្ដល់នូវកម្មវិធីបណ្ដុះបណ្ដាលរយៈពេលវែង និងខ្លីទៅតាមតម្រូវការចំាបាច់របស់អ្នកសិក្សា និងទៅតាមតម្រូវការដែលកើតមាននៅក្នុងឧស្សាហកម្មម៉ូដសម្លៀកបំពាក់។